開咗呢個IG都有三個幾四個月，經營一個IG花費時間好多，但的確呢樣係我一直以來好想做嘅嘢。有人問，點解唔響返原本嘅IG度分享，其實係我自己都想將平時出外去餐廳食嘢嘅分享同食譜分開，等自己想搵返啲食譜都方便啲！
我鍾意食嘢，都鍾意煮嘢食，我唔係想要扮專家教人煮啲咩嘢驚為天人嘅菜式，只係想分享下呢十幾廿年（由我以前去英國讀書開始煮嘢嚟計真係有十幾廿年）以嚟煮嘢嘅小小心得，同埋一直以嚟大廚們教嘅一啲秘訣，等大家都可以享受一下煮嘢食嘅樂趣，同埋煮到一碟好餸，其實真係唔係咁難架咋！
立即Like我嘅ig @mrswongskitchen 啦！